الخميس، 19 مايو 2011

بيان الرائد محمد عمر على السيد - يفضح فساد المشير طنطاوي و المجلس العسكري

9\4\2011

بسم الله الرحمن الرحيم
الرائد محمد عمر علي السيد
سلاح المهندسين -الكلية الفنية العسكرية دفعة 39
من اوائل دفعتي -متخرج تقدير ممتاز مع مرتبة الشرف
ادمن جروب حماة الطابية- ادمن بيج ائتلاف ضباط الجيش و الشعب
 

باسمي و اسم كل ضباط القوات المسلحة الشرفاء الاحرار
نتوجه بكل التحية و التقدير لشهداء ابنائنا ابناء الوطن و شهداء اخواننا في القوات المسلحة في ثورة مصر المجيدة
شعبنا المصري العظيم لقد اقسمنا ان نحمي بلدنا برا و بحرا و جوا
من اي تهديد خاجي او داخلي
و اننا لمستعدون للتضحية بارواحنا في سبيل رفعة شأن بلدنا العظيم
 

لقد قام شعبنا العظيم بثورة اذهلت العالم اجمع
و غيرت مجري التاريخ لنكتب تاريخا جديدا
تشرق فيه شمس الديمقراطية و العدالة والحرية 


و لكن للاسف ، تابعنا بعيون ثاقبة على مدار الشهرين الماضيين
ما تمر به ثورتكم المجيدة من محاولات منظمة لاجهاضها و خيانة دماء شهدائها الابرار
يقودها المجلس العسكري الذي يترأسه كل من المشير طنطاوي و الفريق سامي عنان
الذين تولو امرا البلاد و لكنهم للاسف الشديد خانو الامانة الملقاة على عاتقهم خيانة عظمى
بتواطئهم الصريح مع النظام السابق و التي كانت اعيننا لهم بالمرصاد، و التي كانت اعيننا لهم بالمرصاد
معركة الجمل ، كما يسمونها، فتحو الثغرات عشان تدخل الاحصنة و البغال
ازاي ؟؟ ازاي الجيش مأمن ميدان التحرير و بيفتش كرنيهات وبطايق الناس الي داخلة
و نلاقي حمير و بغال و جمال داخلين ؟ و بلطجية بسيوف و سنج و كزلك و يقتلو في الناس ؟
الاربعاء و الخميس الاسود حيث اعطيت الاوامر للجيش بالتحرك بعيدا عن الميدان للسماح بمهاجمة الثوار
حضراتكم الي نزل ميدان التحرير هيشوف الكلام ده و هياكده بنفسه

الاعتداء الجسدي على الثوار ، من ابناء الوطن و القبض عليهم و التنكيل بهم في المعتقلات الحربية
و محاكمتهم بدون السماح لدفاع يمثلهم
اي قضاء هذا ؟ قضاء المجلس العسكري

الاعتداء الجسدي على 18 فتاة من ابناء الوطن
اختي و اختك ، بنتي و بنتك ،امي وامك ، خلعو ملابسهم و صوروهم عريانين
ازاااي :@ ؟؟ فين كرامتنا ؟؟ فين كرامة الاسلام ؟ فين كرامة المسيحيين :@ ؟؟
احنا ابناء وطن واحد ، ازاي تنتهك حرمات اخواتنا كده ؟؟

و المسيحيين اخواتنا لما اعتصمو قدام ماسبيرو و تضامن المسلمين معاهم
اتهاجمو و اتضربو ،
و الي زاد الطين بلة ما حدث في كلية الاعلام و ضرب الطلبة عشان بيطالبو باقل حقوقهم بالمعاملة الحسنة
يغيرو عميد الكلية عشان بيعملهم سياسة قمع
مهو لو عميد الكلية كويس الطلبة مش هتعمل مظاهرات
عميد الكلية كلنا عارفين شركة الاعلانات الي عنده و ساكتين
ليه ؟ عشان في الحزب الوطني ؟ عشان في لجنة السياسات ؟

عدم القبض على اي من رؤوس النظام الفاسد
و اعطائهم الفرصة الكاملة للتخلص من كل ما لديهم و عدم توجيه تهم فساد سياسي
كلها شوية قضايا فساد و رشاوي هتخلص زي ما هنشوف بعد كده في بقية البيان و الخطاب الي هنقوله دلوقت
عدم القبض على الرئيس السابق مبارك و مش هاقول اي لفظ تاني غير الرئيس السابق
ده كان القائد الاعلى للقوات المسلحة و لازم يكون في احترام في رجال القوات المسلحة
زي ما قلت المشير طنطاوي زي ما قلت الفريق سامي عنان لازم اقول الرئيس السابق مبارك
متقبضش عليه ليه ؟ جرايمه كلنا سكتنا عليها 



حبيب العادلي في السجن بيقول انا خدت اوامر من الريس ان انا اضرب المتظاهرين و ميتقبضش عليه
ليه ؟؟؟؟؟ لحساب مين :@ ؟؟؟؟ لحساب مين دم المصري رخيص ؟؟
بنضحي بالشعب عشان نحمي مين ؟
اي مطلب شعبي الشعب عايزه ، شباب الثورة عايزينه ، في مصلحة البلد ،، مبيتعلمش بيه
صوت الشعب اتنبح ، طلعت مظاهرات عشان الفريق احمد شفيق يمشي -و هاقول الفريق احمد شفيق لانه كان احد قادة القوات المسلحة و احنا بنحترم بعض و لازم نحترم بعض
و بعدين ، بعد كام شهر بعد كام اسبوع بعد كام يوم اتنفذ طلب الشعب
الشعب النهارده يوم الجمعة طلع في ميدان التحرير لانه صوته اتنبح عاوز يحاكم الفاسدين
عاوز دم الشهداء عاوز الضباط الي قتلو -ضباط الشرطة الي قتلو المتظاهرين باوامر ، مش كل ضباط الشرطة فاسدين
و لازم نفرق بين ضابط الشرطة الفاسد و ضابط الشرطة الشريف
و التخاذل الي بيحصل دلوقت مع ضباط الشرطة - ضباط الشرطة الشرفاء بتستغيث : طهرونا !
الموضوع ده حله في ايديكم انتو الي مش عاوزين تعملوه عشان عايزين بلبلة في البلد
انا لو قبضت على كل ضابط متهم في قضية فساد و رشوة و حاكمته محاكمة عادلة
يبقى ضابط الشرطة الواقف في الشارع ، ضابط الشرطة الي قاعد في قسم الشرطة ، ده شريف و يرفع راسه ولا مش شريف ؟
انتو عايزين ارهاب في البلد ، عايزين بلطجية

نيجي للالعن ، تدمير الجيش : انتو دمرتو الجيش ايها القادة العسكريين
مش هاتكلم في اسرار عسكرية ،و لا في تسليحنا و لا في معداتنا و لا في مركباتنا
هاتكلم على حاجة وحدة بس : الروح المعنوية
خفض الروح المعنوية لدرجة الصفر للضباط القوات المسلحة و جنود صف و ضباط
لحساب مين ؟ عشان نحمي نظام فاسد 30 سنة
احنا لينا مطالب ، مش انا ، مش ضباط القوات المسلحة
الشعب المصري له مطالب و احنا شرفاء الجيش هندعمهم في مطالبهم
مطالب الشعب : اقالة المجلس العسكري ، على راس المشير طنطاوي و الفريق سامي عنان و كل السادة اللواءات
لانهم متسترين على الفساد لانهم جزء منهم
ازاي 2 حرامية ، مش هاغلط في حد ، بس انا ، انا لو حرامي و اتمسكت مع واحد تاني حرامي ، ازاي اي منطق واي عقل ان انا الحرامي الي كنت شريك في الجريمة احاكمه ؟
ليه الوزير محمد سليمان متحاكمش لحد دلوقت في البلاغات المقدمة ضده ؟
ليه ؟ عشان متستر عليكم ؟ عشان ماسك عليكم الفلل و الاراضي و الشاليهات و القصور الي عندكم ؟
مش هاقول كل المجلس العسكري خاين مش هاقول كلهم فاسدين
فيهم قلة محترمة نحترمها و القلة دي لازم تطلع تقول الكلام ده و لو مطلعتش تبقو متسرين عليهم
واحد و لا تنين في المجلس بالكامل ، 19 لواء فيهم واحد و لا تنين المحترمين
ده الي وصلناله ، مش محترمين اخلاقيا عشان مقدرش اقول لحد مش محترم اخلاقيا ، لكن محترم و مش محترم في الفساد
في واحد فاسد مرتشي بيقبل الحرام وواحد مبقبلوش 



احنا دعينا مبارح و على طوال الاسبوعين الي فاتو ان ائتلاف ضباط الجيش المصري على الفيس بوك المكون من اكتر من 5 الاف ضابط قوات مسلحة -ضابط حر شريف ان احنا ننزل في مظاهرة في ميدان التحرير النهاردة لتلبية مطالب الشعب المشروعة و هي :
اقالة المجلس العسكري
تكليف السيد رئيس الوزراء عصام شرف ، تاني رئيس وزراء مصري يحمل على الاعناق معنى كده ان الراجل شريف و اخد شرعيته من الشعب يسمك مهام رئيس الجمهورية لحين تعيين مجلس رئاسي يرضى عنه الشعب فترة انتقالية سنة او سنتين على حسب ما يتراءى للشعب
احنا رجال قوات مسلحة مبنفهمش بالسياسة و مش هنفتي في السياسة ، لكن احنا بنفذ مطالب الشعب المشروعة
حقهم شايفين فساد و مش عارفين يخدو حقهم فيه
لازم نحمي الشعب ، لازم ننفذ مطالب الشعب 



النهاردة انتشر في الاخبار و الصحف و احنا طبعا كنا عارفنها من مبارح اسرائيل على سبيل الخطا ، سقوط قذيفتين على معبر رفح وحدة فيهم منفجرتش و التانية انفجرت
ما شاء الله
اسرائيل الي بكت على رحيل الرئيس مبارك السابق ، و قالت فقدت اسرائيل كنزا ثمينااااااا :@:@
برحيل مبارك و يسعون الان لاعادة نظامه بوجوه اخرى
مش هنتكلم في مرشحين الرئاسة كل واحد له برنامج انتخابه و الشعب الي يختار
احنا بنتكلم على الفترة الانتقالية الي هتنقل مصر من عصر الفساد لعصر الحرية و الديمقراطية و الشعب يختار مين هيمثله بعد كده بعد الفترة الانتقالية و احنا هنحمي بالقسم الي احنا اقسمناه ان الي الشعب يختاره 



تعديلات دستورية ايه دي الي اتعملت ؟ ايه الي اتعمل في التعديلات الدستورية ؟ دستور ايه ؟
انا ضابط مهندس مدني ، هاقلكم مثال في تخصصي
لما يكون عندي عمارة وقعت ،مبنى وقع على الارض ، حصل فيه تصدع و لازم يتزال بزيل المبنى بالكامل و لا ابني فوقيه ؟ حضراتكم تجاوبو ، ده الي بيحصل دلوقت ده سبب التواطؤ
ضحكو عالشعب ، ضحكو علينا ، 



رسالة الى اسرائيل : نعلم جيدا انكم تنظرون الى مصر على انها قوة عظمى بريادتها للعرب
اضعفتموها على مدار 30 سنة في نظام فاسد ، بيننا و بينكم معاهدة سلام ، نحن نحترمها ولن نكون خائنين للمعاهدات
ان سولت لكم انفسكم ، ان سولت لكم انفسكم ان تقومو باي عمل عسكري ضد مصر سيكون هناك 85 مليون مصري على الجبهة ، 85 مليون مصري يدافعون عن ارض مصر 



رسالة الى ايران : انتم دولة اسلامية و نحن دولة اسلامية لكم عقائدكم و لنا عقائدنا ، لن نسمح و لن يسمح الشعب المصري بان تكون مصر مثل ايران دولة اسلامية تنهج او تتبع النهج الاسلامي المتطرف : حمل السلاح ،، الاسلام هو دين السلام ، شوهتو صورة الاسلام و المسلمين قدام العالم ،، دولتكم و انتو حرين فيها ،، لن نسمح ان تكون مصر دولة اسلامية تتبع الاسلام المتطرف
نحن دولة اسلامية تتبع الاسلام المعتدل تحترم شريعة الاخرين و الديانات الاخرى كما قال رسولنا الكريم صلى الله عليه و سلم
مفيش فتنة طائفية في مصر ، اخواتنا المسيحيين محميين براية الاسلام ، الاسلام معترف بالمسيحية
شريعة الاسلام بتقول من حق المسيحيين يكونلهم شريعتهم الي تحكمهم
مفيش فتنة طائفية ، امن الدولة الي كان بيعمل فتن طائفية و كلنا شفنا الحاجات الي حصلت في امن الدولة و المستندات الي طلعت
ارحمو مصر ، ارحمو شعب مصر 


رسالة الى العالم الاجمع : كافة الدول في الامم المتحدة نحن شعب مصر في هذه المرحلة نطهر انفسنا من الفساد ، نطهر انفسنا من الفساد الذي سيطر علينا مدار 30 عام داخل القوات المسلحة و داخل المؤسسات الحكومية و اصبح متفشي لدرجة ان الشريف بيضطهد الشريف بنقول زاي بيعمل كده ده راجل اكيد مخبول ، الشريف الي مش بياخد رشوة بقى منتقد ،، لازم الفساد ده نشيله من جذوره
شعبنا شعب مسالم ، نريد دعم الاقتصادي ، دعمكم الاقتصادي -مشاريع استثمار بعد ما تستقر الامور
نريد توجيه رسائل قوية الى اي دولة تعتدي علينا في هذه المرحلة العصيبة التي نمر بها الى ان تقف مصر على اقدامها من جديد
نحن لن نخنث باي قسم قسمناه او معاهدة اخذناها

رسالة الى باقي ضباط القوات المسلحة الشرفاء : نحن في ائتلاف ضباط الجيش المصري و الشعب عالفيس بوك عددنا حوالي 5 الاف ضابط
انتهت مرحلة الفيس بوك -انتهت المرحلة
سنتحرك ميدانيا
بطريقة سلمية و ليس انقلابا عسكريا
نحن لن نقوم بانقلاب عسكري
سهل في ايدينا 5 الاف ضابط يعملو انقلاب
انا مش جمال عبد الناصر
انا مش انور السادات
انا مش ضباط احرار بتوع 52
مع احترامي الكامل ليهم
انا سياستي انقلاب سلمي - تسليمه للشعب
سياستي و سياسة الائتلاف معايا و سياسة الضباط كلها
احنا مش عايزين سلطة
مش عايزين شو اعلامي
نحن هنسلم البلد نكلف رئيس الوزراء بمهام رئيس الجمهورية
لحين تعيين مجلس رئاسي يرضى عنه الشعب
شكرا على كده - احنا مش عايزين حاجة على كده
المجلس العسكري الي هنقيله- هيتم تعيين السادة اللواءات المحترمين
لواءات -انا لسه رائد انا مش عايز سلطة
السادة اللواءات المحترمين الي هنختارهم بالتصويت
مش هنختارهم علشان همه الي ممشيينا -همه الي عاملين الانقلاب السلمي ده ،، لا
مفيش حد ممشينا
فيش واحد في القوات المسلحة لا الفريق مجدي حتاتة و لا فريق محمد بلال و لا لواء مصطفى كامل و لا لواء مصطفى السيد ...............
احنا رشحناهم عشان يمسكو المجلس العسكري و لا يعرفو و لا يعلمو اننا هاتكلم الكلام ده عليهم دلوقت و قسما بالله هذا ما حصل
من انظف رجال القوات المسلحة ، من انظف ما انجبت القوات المسلحة
فريق مجدي حتاتة -لواء محمد بلال - لواء مصطفى كامل - نشهد لهم جيمعا بالوطنية و نرشحهم لان يتولو منصب وزير الدفاع و قيادة المجلس العسكري و همه يشكلو بقى اللواءات الي همه عارفينهم محترمين
احنا كده دورنا انتهى
رجاء من السادة ضباط القوات المسلحة الموجودين في وحداتهم الان
لاتتركو وحداتكم لا تتركو الخدمة لا تتركو النبطشية لا تتركو السلاح
حافظو على الحدود
باقي السادة الضباط ينضمو الينا في ميدان التحرير في اعتصام مفتوح
بطريقة سلمية هنعتصم
النهاردة في 30 ضابط معتصمين - 10 منهم اتقبض عليهم من الشرطة العسكرية
في 20 ضابط في حماية الشعب و ده نتيجة ان انا مبارح بالليل اصدرت قرار مع الي معايا في الائتلاف انا مش لوحدي المتفرد بالقرار ان احنا مش هننزل المظاهرة عشان الي حصل في اسرائيل و طلعت بيان بالكلام ده في الجروب عندي و اتنشر عالنت فيه معظم الكلام الي قلته لحضراتكم دلوقت ، احنا كان في
مظاهرة سلمية و اتلغت مبارح لما شفنا اسرائيل بتدي كرت انذار لينا كرت انذار النظام ده بتاعنا و هنحميه ، و احنا بنقلهم لا النظام لازم يتغير النظام الفاسد لازم يتغير شئتم ام ابيتم :@
بيننا معاهدة سلام و نحترمها ان تعديتم علينا 85 مليون مصري مش الجيش بس هيكونو عالجبهة في سيناء ،
اننا نريد نظام يحقق العدالة والديمقراطية مش عايزين نظام متواطىء وعميل لاسرائيل -سنطهر انفسنا بانفسنا
 

رسالة الى الشعب المصري : شعبنا العظيم الابي ، حافظو على ثورتكم المجيدة ، دماء الشهداء في اعناقنا جميعا
انا بدعو الشعب المصري 85 مليون مصري ان ينتفضو للحفاظ على الثورة للحفاظ على مكتسبات الثورة لمحاكمة الفاسدين لاقالة المجلس العسكري لتكليف مهام رئيس الجمهورية لرئيس الوزراء
باكر يوم السبت 9 ابريل عاوزين 50 مليون مصري في الشارع اعتصامات مفتوحة مظاهرات في كل مكان مظاهرات سلمية لا للتخريب -احنا شعب سلمي
مظاهراتنا ثورة 25 يناير بتتدرس في العالم كله هنثبت للعالم ان احنا هنتغير بالطريقة السلمية مش بطريقة الانقلاب العسكري
زي ما اثبتناها في 25 يناير هنثبت النهاردة برضه 9 ابريل 


دعوة للشعب المصري للنزول في مظاهرات و اعتصامات مفتوحة
هنخسر اقتصاديا يوم و 2 و 3 و شهر -مش مشكلة -بس هنبني على نظيف ، هنبني على اسس ، اسس علمية ،، مش فساد علمي ، مش نعمل ابحاث زي ما بنعمل عندنا في الكلية و في مراكز البحوث بتاعت القوات المسلحة و المراكزالي برة عشان احنا عملنا بحث ، بالاسم و الابحاث تتحط في الادراج
لا ، ميزانية البحث العلمي في مصر هتبقى مليارات ، مصر هتبقى دولة عظمى ان شاء الله ب 85 مليون مصري
800 شهيد هيبقو 801 بيا لاني انا عارف اني بعد البيان ده هاغتال هاتقتل ، بس اموت عشان مصر تعيش ،، اموت عشان مصر تعيش ،، اموت عشان مصر تعيش ،، وواثق ان 85 مليون مصري هيموتو عشان مصر تعيش
 

رسالة الى قضاة مصر الشرفاء : انا مش هاظلم رجال القضاء ، من التحقيقات الي بنشوفها ـ النائب العام طلع بيان من التحقيقات و البلاغات عدم تورط الرئيس السابق مبارك في قضايا فساد
الله يرحمه ابويا زي ما قلتلهم في الائتلاف ابويا طلع من الغبرة الله يرحمه و هو الي سرق البلد هو الي سرق فلوس مصر هو الي ادى اوامر لحبيب العادلي انه يقتل المتظاهرين
8 او 7 الاف مصاب حسب تقارير وزارة الصحة المضروبة طبعا 


شعب مصر : النظام رجع ،، مش هيرجع -النظام رجع لان المجلس العسكري هو نفسه النظام
المجلس العسكري هو النظام ،، كلهم بلا استثناء الا واحد او تنين زي ما قلت في الاول شرفاء مبقبلوش رشاوي
عليهم ان يظهرو و يقولو ان احنا شرفاء ، معندناش اراضي دولة خدناها بملاليم
الوزير سليمان لما وزير الاسكان مدناش قصور ببلاش ولا اراضي ببلاش معندناش قصور زي اللواء طارق البرقوقي مدير صندوق الاسكان
6الاف ضابط في الجروب و احنا عارفين ان التقارير بتاعتنا بتطلع
يوميا على مكتب الوزير -صوتنا اتنبح طهرونا !!!!
طهرو الفساد 


مليارات
لما نشوف وزير -وزير داخلية و لا اي وزير تاني بقاله 5 و لا 10 سنين 12 و 13 مليار ثروته ـ ده الظاهر
وزير بقاله 20 سنة وزير عنده صفقات سلاح ، متحكم في ميزانية مصر بتاعت القوات المسلحة هيبقى عنده كام ؟
بنك سوسيتي جنرال مين المساهم فيه ؟ ننتظر اجابة 


انا اضحي بحياتي و هاموت عشان مصر تعيش و نازل للاعتصام و اعتصام مفتوح و لن اخرج من الميدان الا جثة هامدة او المجلس العسكري يتطهر
النظام رجع تاني ، فين التلفزيون المصري و مظاهرة النهاردة ؟؟؟ فين ؟
اسماء صالحين لمعت اسماءهم بعد ثورة 25 يناير ، طالعين بيشتمو ، عشان خلص خدو الي همه عايزينه الشو الاعلامي ـ مش عايزين حاجة تانية اكتر من كده
مصر كلها عرفتهم
سعرهم ارتفع ـ اشتمو ! دول رجالة النظام دلوقت
حضراتكم اتأكدتو النهاردة انه النظام لسه موجود و رجع بقوة ،، 24 بلاغ مقدم في الفريق احمد شفيق لم يتم التحقيق فيهم عشان مرشح زي ما عرفنا انه تبع الحزب الوطني
سواء................ ..دي معلومات وصلت لكل الناس و عرفتها
الاقامة الجبرية في قصر في شرم الشيخ ، ارحمو مصر ، ارحمو مصر
3.6 تريليون دولار اتنهبت من مصر في السنوات الي فاتت
واحد زي حسين سالم ثروته سمعنا كلنا الكلام ده 1.6 تريليون دولار
انا معنديش ادلة للكلام ده بس كلنا عارفين شرم الشيخ كلها بتاعته
دي مستندات،الفلوس الي برة ، المجلس العسكري لازم يمشي 


اخر رسالة هاوجها للمجلس العسكري
اثبتو ان حضراتكم وطنيين و قدمو استقالاتكم و نفذو مطالب الشعب
لا تتصرفو كما تصرف الرئيس مبارك السابق ، 18 يوم عناد
ثورتنا لن تنتهي الا بتنفيذ مطالبنا او نكون جثث هامدة و نلحق ب 800 شهيد في الجنة باذن الله
الي كلنا اقسمنا اننا نضحي بارواحنا عشان حماية مصر في الداخل و الخارج ها نحن رجال القوات المسلحة نلبي هذا القسم و لن نخنث به
نحن اقسمنا على حماية مصر و ليس حماية اموال و فلوس الفاسدين امثال الرئيس مبارك و اعضاء المجلس العسكري و السادة الوزراء في السجون دلوقت و الي لسه
ده قسمنا و هنموت عشانه اننا هنحمي مصر من اي فاسد و من اي فساد و لازم مصر تنظف و لازم نبني اساسات جديدة عشان نبني بمصر
نصرف 10 15 20 300 مليار الفترة الجاية مش مشكلة
بس ولادي وولادك احفادي و احفادك يعيشو في مصر الي كان نفسنا نعيش فيها
و ميقولوش علينا الله يسامحكم او الله يرحمهم معرفوش يعملو حاجة
انا بدعو الضباط السادة المحترمين الاشراف يلبو القسم الي اقسمناه
لما تخرجنا من الكلية العسكرية انهم ينزلو معانا ميدان التحرير مع ال 5 الاف ضابط المعتصمين باذن الله لتنفيذ المطالب
لا تتركو وحدات و الخدمات ، الضباط الزيادة الي ملهمش نبطشيات هي الي تنزل
عايزين نفضل محافظين على امن البلد ، احنا مش مخربين للبلد و بكده كان سبب اعلاني اننا مبارح مننزلش في مظاهرة كنا فاكرين ان البلد هتخرب
و اسرائيل و كروت الانذار الي اتعلمت ده
لكن انا بقول مصر مش هتخرب لانها محفوظة من الله عز و جل و يكفينا فخرا انها الدولة الوحيدة في العالم الي ذكرها الله عز و جل في كتابه الكريم صراحة
اهبطو مصر ان شاء الله غانمين
رجال القوات المسلحة حافظو على مكتسبات الوطن ، حافظو على دماء الشعب المصري
مظاهراتنا مظاهرات سلمية لا احد يستخدم السلاح الشخصي اي كانت الظروف -طلقة وحدة هيبقى بحر دم
احنا مظاهرة سلمية و لاول مرة في التاريخ يكون في انقلاب سلمي عسكري
العساكر العسكر يعني ضباط الصف و العساكر يعملو انقلاب بس انقلاب سلمي عشان تعرفو ان المصريين بيعلمو العالم -عشان العالم كله يعرف ان مصر بلد الحضارة 7الاف سنة فيها كل ما هو جديد ينبهر به العالم
مظاهراتنا مظاهرة سلمية -اعتصاماتنا اعتصامات سلمية التحرير دلوقت في ناس من المخابرات 75 و 77 منضمين معانا في الاعتصام
في ضباط شرفاء من الشرطة العسكرية معانا
ناس كلها هتعتصم مع الشعب و الشعب مظاهرات مفتوحة مع الضباط حتى اسقاط المجلس العسكري والله الموفق
الله الوطن الشهداء



مشاهدة الفيديو كاملا

خير اجناد الارض

هناك 7 تعليقات:

  1. الاسم محمد فراج من ام الدنيا من مدينة الاقصر والله انا فخور بجيش المصري العظيم خدمت في الجيش والله كانت احلي ايام حياتي مع احسن البشر جنود وصف وضباط
    اسم الايميل الياهو SSSaaaLux

    ردحذف
  2. انا متاكد ان لسة فية نا محترمة وربنا يبارك فيكم انتوا جيش مصر الى بنفخر بية وانتم من سنصرنا بازن الله ربنا معاكم واوعوا تفكروا ان التاريخ مش حيكتب اساميكم بحروف من دهب لكن المجلس للاسف باوسخ قلم حيتكتب اساميهم

    ردحذف
  3. ربنا معاكم انتوا الامل فى عيون كل المصريين ربنا ينصرنا بيكم يارب

    ردحذف
  4. محروسة زناتة17 فبراير 2012 11:30 ص

    ربنا مع الشرفاء انشاء الله فتحا مصر بابنائها

    ردحذف
  5. لابد
    ان تنجح الثورة ونتخلص من الفساد الحقيقى وهذا يتطلب جسد النظام الهيئة التنفيذية من محافظين ورئيس البنك المركزى ووزراء ووكلاء الوزارة والنائب العام واصدار قانون فورى للحد الاعلى للاجور حتى تتقارب المرتبات ليعيش ابناء الوطن حياة كريمة ومحاسبة الفاسد ليكون ردع لمن تسول لة نفسة

    ردحذف
  6. محروسة زناتة17 فبراير 2012 11:46 ص

    نحن معك سيادة الرائد محمد عمر على السامت على الحق شيطان اخرس فالتحيا مصر وصامدين حتى القل شهادة لنلحق بالشهاء لن نترك دمائهم تزول هباءا مستمرين حتى تنجح الثورة

    ردحذف
  7. يفندم ذهقنا من الكلام ؟

    ردحذف